Bahut Samay Pahile Ki Baat Hai. Ek Brahmin Tha Jo Bhikcha Mangkar Apna Gujara Karta Tha. Ek Din
Use EK Patra Bhar Kar Aata Bhiksha Main Mila. Wah Khusi Khusi Ghar Aaya Aur Apne Bistar Ke Pass He Diwar Par Bhiksha Patra Ko Ladka Diya.
Brahmin Us Bhiksha Patra Ke Pass Lage Bistar Par So Gaya aur Sapna Dekhne Laga. Usne Dekha Ki Desh Main Aakal Padh Gaya Hai Aur Usne Bhiksha Patra Main Rakkha Aata Bahut Adhik Daam Lekar Bech Diya hai. Phir Wah Sochne Laga Ki Us Paise Se Ushne Ek Jodi Bakriyan Khareedi Aur Un Bakariyon Ko Khub Acchi Tarah Se Khila Peela Kar Mota Aur Tandurust Kar Diya Hai. Phir Usne Sapne Main Dekha Ki Usne Apni Bakariyan Kafi Mehngi Bech Di hai Aur Socha Raha Hai… ” Ab To Main 2 Gaye Khreedunga Aur Ve Mujhe Bahut Sara Dudh Dengi. Us Dudh Se Main Makkhan, Malai Nikalunga Aur Mithi Mithi Raswali Mithaiyan Banunga. Phir Sapna Dekhne Laga Ki Bajar Main Uski Ek Badi Si Dukaan Ho Jayegi….!!
Brahmin Sapne Dekhta Hi Raha. Usne Dekha Wah Keemti Patthar Bechne Wala Ek Amir Viyapari Ban Gaya Hai Aur Sapne Main He Wah Sochne Laga ” Ab To Main EK Bada Sa Makan Banwaunga. Jiske Charon oor Kamal Ke Fool Wala Talab Hoga. Koi Bhi Raajkumari Mujhse Be Jhijak Vivah Karne Ko Tyar Ho Jayegi Aur Phir Humare 2 Sundar Sundar Bacche Honge.”
… Par Bacche Bahut Saitan Honge, Is Liye Ve Mujhe Jarur Pareshan Karenge. Usne Man He Man Apne Se Kaha.. ” Main Ek Chadi Lekar Unki Pitai Karunga” Sote Sote He Usne Ek Chadi Utha Li Aur Hawa Main Ghumane Laga. Uski Chadi Aate Se Bhare Bhiksha Patra Par Lagi Aur Wah Footkar Niche Gir Gaya. Wah Sir Se Pair Tak Aate Se Naha Gaya…!!
No comments:
Post a Comment