Sher Ke Besh Mein Kiya Waar

Ek din delhi ke kaji se birbal ko dharm sambhandi charcha chidi. Jab kaji sab parkar se haar gaya to uske mann mein iss baat ke liye lajja utpann hui aur apne mann mein birbal ko maar dalne ka pran kar liya. Ye pran kar yatra ke bahane badshah se chute lekar nagar se bahar kisi dusre sehar ko chala gaya aur waha apna naam pata chipakar behrupiye ka swang shikne laga.
Jab weh uss fann mein hoshiyar ho gaya to behrupiye ka roop dharan kar delhi lauta. Sehar mein kahi jagah usne naye–naye swang nikale. Jisse logo mein uski kala ki charcha fail gayi. Dhire dhire yaha tak ki yeh baat badshah ke kaan mein ja padhi badshah ko uska swang dekhne ki parbal iccha hui.
Ek din sham ko shipahi bhej kar use bhulaya aur jab weh aaya to use naya swang dhiklane ki aagya di. Jab weh bola parthvinath! Mein sher ka sawang karna bahut acchi tarah janta hu. Par usme khoon bhi ho jane ki aashanka rehti h. yadi aapki taraf se mujhe ek khoon ki maafi di jaye. To mein aapke samne dhiklane ka upaye karu swang ke samay waha par deewan ka bhi rehna atayant jaruri h.
Badshah ne use ek khoon ki maafi dedi. Jab behrupiya apne ghar gaya to badshah bole–birbal! Jate samay behrupiya kehta gaya h ki bina birbal ke swang nahi dhiklaya jayega. Esliye uss waqt tumhara bhi waha rehna laajim h.

Birbal ne badshah ki aagya ko swikar kar liya parantu ussi waqt behrupiya ki baato ka silsila milane se gyat ho gaya ki ho n ho daal mein kala aveshe h. yeh mujhe dhoka dena chahta h. idhar badshah ki aagya ka palan karna bhi jaruri h.
Dusre din thik waqt par birbal darbar mein haajir hua. Idhar behrupiya bhi sinh ka swang banakar uchalne–kudne laga. Kala ko dekh badshah mohit ho gaye. Sabhi log uski parshansha karne lage. Itne mein weh banawati sher birbal par jhapta. Yeh dresh dekhte hi logo ko birbal ke marne ki aashanka hui. Behrupiye ne birbal ko maar dalne ke vichar se adhik parsishram kiya, parantu marna to door raha uske badan se ek boond khoon bhi bahar nahi nikla. Sabha ke log iss darseh ko dekkar dang reh gaye.
Birbal to pehle hi se kapat mudra ko taad gaya tha. Iss waste kurte ke niche sudurd kawach pehankar aaya tha. Jisse behrupiya ka koi astar sharir ko jkham na pahucha saka.
Badshah birbal ko jeevit dekhkar ati parshan hue, baat chipane ke abhipray se birbal ne uss behrupiye ki badhi parshansha ki.
Badshah ne birbal se pucha inhe kya inaam dena chaiye. Birbal ne kaha inko ek mahine ke liye deewan pad par niyukt karna chaiye, behrupiya ye sun khus ho gaya, birbal ne kaha jo sati ka swang thik thik karke dhiklaye to upar ki sharte mani jayengi. Athwa nahi.
Badshah ne iss baat ko apni jaban se dohrakar behrupie ko kaha jo tu kal sati ka sahi sahi swang karke dhiklayega to tujhe ek saal ke liye deewan pad par niyukt kiya jayega aur yadi chuk gaye to parndand diya jayega, behrupiye ne iss baat ko swikar kar liya.
Dusre din ussi waqt satri ka sawroop dharan kar darbar mein haajir hua. Birbal ne bhi unki dawa-daru ka intjaam pehle se hi kar rakha tha.waha koyle ka ek kund pehle se hi dehak raha tha. Kund ko dekhte hi behrupiye ka hosh thikane n raha. Usne samjh liya ki kal ka badla lene ke liye birbal ne birbal ne ye khurafat kiya h,ab isse bachkar nikalna katin h. bina agni mein baithkar bahar nikle ye sawang purn nahi ho sakta. Ussi waqt wo dawadol ho gaya or uske mann mein aaya ki badshah ko sara bhed bata de. Parantu ho darr ke karan chup hi reh gaya. Ant mein jab sati ka sawang dhiklate dhiklate samay aaya to agni mein khudkar apne pran de diye. Uski maut se jo asli bharam nahi jante the wo bahut dukhi hue. Parantu birbal ne sabko bata diya. Itna hi nahi balki badshah ke samne kahi sakhsiya dilwakar apni baat prmanit kar di.

Badshah birbal ki yukti se badhe khus hue. Aur uski nitipurwak chal se shatru ke marne ki chal unhe badhi pasand aayi aur parshansa karne lage.